திரைப்படம் என்றால் அழகான ஹீரோ இருக்க வேண்டும், அழகான துணை நடிகர்கள் இருக்க வேண்டும், பெரிய செட்டுகள் இருக்க வேண்டும், ஹிப் ஹொப் பாடல்கள் இருக்க வேண்டும், நமீதா வந்து குத்துப் போட வேண்டும் என்றெல்லாம் நம்மவர்கள் எதிர்பார்ப்பர். இவற்றை மீறி உள்ள திரைப்படம் கல்லூரி விமர்சனத்தை இங்கே காண்க.
ஷாருக் நடிப்பில் வெளியான ஓம் ஷாந்தி ஓம் விமர்சனம் இங்கே!!!
Scaphandre et le papillon, Le (The Diving Bell and the Butterfly) – சமீபத்தில் வெளியாகி ‘தங்க உலகம்’ உள்ளிட்ட விருதுகளை வென்ற பிரஞ்சுத் திரைப்படம். Jean-Dominique Bauby அவர்களின் உண்மைக்கதை. உள்ளத்தால் ஆகாதது எதுவுமில்லை என்று பறைசாற்றும் வாழ்க்கை வரலாறு. பார்க்கலாம்.
Ostre sledovane vlaky (Closely Watched Trains) – ஆகா என்ன பொண்ணுங்க?! என்ன சங்கதி!! நாசிக்களை எதிர்த்து செக்கஸ்லோவாக்கியர் எவ்வாறு மெதுவாக கிளர்த்தெழுந்தார்கள் என்று சொல்லும் படம். New Wave என்னும் செக்கஸ்லோவாக்கியப் படங்களில் மிகவும் பாராட்டப்பட்ட படம். நிச்சயம் பார்க்கலாம்.
Goodbye Lenin! – கிழக்கு ஜெர்மனியின் மறைவை வித்தியாசமாகச் சொல்லும் படம். டேனியல் புருயலுக்காகப் பார்க்கலாம்.
முதலில் இங்கு பதியப்பட்டது.
அனைவருக்கும் இனிய பொங்கல் நல்வாழ்த்துகள்!
விமர்சனம் எழுதும் அளவுக்கு இன்று பொறுமையில்லை. கடந்த வாரம் நான் பார்த்த படங்களின் சிறுகுறிப்புகள் கீழே!
தாரே சமீன் பர் – நல்ல படம், பார்க்கலாம். டிஸ்லெக்சியா பற்றி விழிப்புணர்வு ஏற்படுத்தியமைக்காக அமீர் கானைப் பாராட்டலாம். இந்தப் படம் குறித்த வேறொரு விமர்சனம் இங்கே!
பால்சாக்கும் இளஞ்சீன தையல்காரியும்! – கலாசாரப் புரட்சி என்னும் சீனாவின் இருண்ட காலத்தில் பூத்த ஒரு காதல் கதை. இயக்குனரின் சொந்தக் கதை, புதினமாகவும், பின்பு திரைப்படமாகமும் வந்தது. சுமார்தான்.
கோப்பென்ஹேகன் – இறவா புகழ்பெற்ற நீல்ஸ் போர் – வெர்னர் ஹைசன்பர்க் ஆகியோரின் சந்திப்பு குறித்த விவரணப்படம். கட்டாயம் தெரிந்துகொள்ள வேண்டிய விசயங்கள் படத்தில் இருக்கின்றன.
ஆனா ஃப்ராங்க் – அவரைப் பற்றி சொல்ல வேண்டுமா என்ன? கட்டாயம் பார்க்கவேண்டிய விவரணப்படம்.
முதலில் இங்கு பதியப்பட்டது.
நேற்று மாலை மிகவும் அலுப்படிக்கவே அருகில் இருந்த டி.வி.டி கடைக்குச்சென்று எடுத்துப் பார்த்த படமே லைசன்ஸ் டு வெட்.
ஒரு திருமணக் காட்சியைக் காட்டுவதுடன் திரைக்கதை ஆரம்பிக்கின்றது. ஒரு பாதிரியார் காதலின் அத்தியாயங்களை விபரிப்பதுடன் ஏன் திருமணங்கள் பிசகுகின்றன என்றும் கூறுகின்றார்.
பின்னர் ஒரு ஜோடி எவ்வாறு சந்திக்கின்றது. அவர்கள் எவ்வாறு காதலில் வீழ்கின்றார்கள், எவ்வாறு அந்தப் பையன் அந்தப் பெண்ணிடம் தன்னைத் திருமணம் முடிக்குமாறு வேண்டுகின்றான் என்பதைக் காட்டுகின்றார்கள்.
பெண்ணின் வேண்டுகோளின் படி அவர்கள் ஊரில் உள்ள ஒரு தேவாலயத்தில் திருமணம் செய்வது என்று முடிவாகின்றது. அந்த தேவாலயத்துப் பாதிரியார் வித்தியாசமானவர். அவர் சில பரீட்சைகள் வைத்து அதில் இவர்கள் சித்தி பெற்றால்தான் தான் திருமணத்தை நடத்தி வைப்பேன் என்று சொல்கின்றார். இந்தப் புள்ளியில் இருந்து ஒரே சிரிப்புத்தான்.
(மேலும்…)
